Ǵylym salasynda aýqymdy zertteý jobalaryn jasap, onyń damýyna úles qosyp júrgenderdiń biri - Máýlıdá Nyǵymetqyzy. Ol Qytaı, Saýd Arabııa, Aýstralııa, AQSh elderinde ǵylymı doktorlyqty (PhD) oqyǵan jáne aǵylshyn, qytaı nemis tilderin jetik meńgergen.
Qazir qazaq qyzy ózin shetelde moıyndatyp júr.
Jaqynda ǵana AQSh-taǵy (USA) Ǵylym jáne tehnologııa (Environmental Science& Technology) boıynsha shyǵatyn jýrnalǵa onyń ǵylymı zertteý maqalasy jarııalandy.
Sonymen qatar Máýlıdá Nyǵmetqyzy qajyrly eńbegi men adaldyǵynyń nátıjesinde eki úlken ǵylymı zertteý jobasyn jeńip aldy. Birinshisi - Eýropa Odaǵynyń ǵylymı zertteý jobasy. Ekinshisi - Germanııa men Izraıldiń birlesken ǵylymı zertteý jobasy. Buǵan deıin de onyń álemdik deńgeıdegi jýrnaldarǵa biraz ǵylymı zertteý maqalalary shyqqan.
Zertteýshi qazirgi ýaqytta Germanııanyń Ǵylym men tehnologııa zertteý ortalyǵy Helmholtz Centre for Environmental Research-UFZ-de jumys isteıdi.
