El boıynsha tártipsizdikterge qatysy bar degen aıyppen 80 adam qamaýǵa alyndy, onyń 33-i Parıjde. Bul – Fransııa prezıdenti Emmanýel Makron óte qajet dep sanaıtyn reformaǵa qarsy demonstrasııalardyń toǵyzynshy kúni.
Qańtarda qaraýǵa usynylyp, ótken aptada parlamenttiń daýysynsyz maquldanǵan zań eldegi jaǵdaıdyń shıelenesýine ákeldi. Úkimet sheshiminiń kúshi senimsizdik votýmy arqyly ǵana joıylady. Biraq dúısenbide el úkimeti parlamentte jarııalanǵan senimsizdik votýmyn jeti daýyspen eńserdi.
Fransııanyń bas kásipodaǵy «Jalpyǵa ortaq eńbek konfederasııasy» (CGT) málimetteri boıynsha, beısenbide Parıj kóshelerinde 800 myńǵa jýyq adam jınaldy. Alaıda polısııa málimetinshe, narazylyq aksııasyna 119 myń adam shyqty.
Parıjdiń keıbir aýdandarynda tártipsizdikter boldy. Sherýshilerdiń shaǵyn toptary polısııaǵa tas laqtyryp, otshashý jaqty, tártip saqshylary kózden jas aǵyzatyn gaz qoldandy.
