Prezıdentke «Astana» halyqaralyq qarjy ortalyǵynyń ınnovasııalyq qarjy ónimderi men qyzmetterdi damytý, elimizdiń ınvestısııalyq tartymdylyǵyn arttyrý, sondaı-aq AHQO-nyń jańarǵan damý strategııasy aıasynda negizgi bıznes-seriktestermen ózara baılanys jumystary týraly málimet berildi.
Memleket basshysyna ornyqty qarjylandyrý quraldarynyń aıasyn odan ári keńeıtý jáne elimizdiń kómirsýtegi beıtaraptyǵyna jetý maqsatyn qarjylandyrýdy júzege asyrýdaǵy Ortalyqtyń róli jóninde baıandaldy.
Qasym-Jomart Toqaev shetelden ınvestısııa tartý úshin qajetti ınfraqurylym quryp, jaǵdaı jasaýda, sondaı-aq qor naryǵy men el ekonomıkasyn damytýda AHQO-nyń mańyzdy ról atqaratynyn atap ótti.
Bul rette, Prezıdent Ortalyqtyń básekege qabilettiligin arttyrý qajettigine, sondaı-aq Transkaspıı halyqaralyq kólik dálizi sekildi mańyzdy ınfraqurylym jobalaryna aýqymdy ınvestısııa tartý úshin qolaıly jaǵdaı jasaý kerek ekenine nazar aýdardy.
