«Koreıa Respýblıkasyna kirýge tıisti ruqsat almaǵan Qazaqstannyń eki azamaty Inchhon halyqaralyq áýejaıynan zańsyz qashyp ketken. Keıinirek olardyń birin jergilikti polısııa ustady. Ekinshi azamat izdestirilip jatyr. Atalǵan azamattar Ońtústik Koreıaǵa 24 naýryzda Tashkent qalasynan «Koreana» áýekompanııasynyń reısimen kelip, deportasııalyq reısti kútip otyrǵan. Sodan keıin áýejaıdan ruqsatsyz shyǵyp ketken», dedi SIM resmı ókili.
Onyń aıtýynsha, Qazaqstannyń Seýl qalasyndaǵy elshiligi bul másele boıynsha Koreıa Respýblıkasynyń ýákiletti organdarymen baılanys ornatty.
«Bolǵan oqıǵa Ońtústik Koreıada qoǵamdyq rezonans týdyryp, jergilikti BAQ-ta keńinen jarııalandy. О́z kezeginde bul jaǵdaı bolashaqta Koreıa Respýblıkasynyń quqyq qorǵaý jáne ımmıgrasııalyq organdaryn ásirese Qazaqstan azamattarynyń elde zańsyz júrip-turýyna qarsy belsendi kúresýine, sondaı-aq bizdiń otandastarymyz úshin elge kirý tártibin qatańdatýǵa ıtermeleýi de múmkin», dep qosty Aıbek Smadııarov.
