«Aldymyzda aıryqsha mańyzdy mindetter tur. Biz jan-jaqty jańǵyrtý jumysyn kúsheıtýimiz qajet. Sondaı-aq áleýmettik-ekonomıkalyq damý barysyna tyń serpin berýimiz kerek», dedi Prezıdent VIII saılanǵan Qazaqstan Respýblıkasy Parlamentiniń birinshi sessııasy barysynda.
Memleket basshysynyń aıtýynsha, Qazaqstan uzaq ýaqyt boıy qolaıly syrtqy ahýalǵa arqa súıep keldi. Al halyq neshe túrli tujyrymdamalarǵa, baǵdarlamalarǵa sendi.
«Atqarylǵan jumys týraly jalǵan esepke senýge májbúr boldy. Alaıda asa mańyzdy, ózekti máseleler nazardan tys qaldy. Halyqtyń turmys sapasy áli kúnge deıin jaqsy emes. Quqyqtyq ádiletsizdik beleń aldy. Baı men kedeıdiń arasy alshaqtaı tústi. Aldaǵy bes jylda Úkimet jáne Parlament osy negizgi máselelerdiń sheshimin tabýy qajet», dedi el Prezıdenti.
Memleket basshysy atap ótkendeı, el ekonomıkasynda jáne áleýmettik salada jyldar boıy jınalyp qalǵan túıtkilder kóp. Onyń barlyǵyn retke keltirý úshin jurttyń bárine birdeı jaǵa bermeıtin, biraq tıimdi ári qajetti sheshimder qabyldaý tıimdi bolmaq.
