Memleket basshysy el ekonomıkasyn ilgerletýde mańyzdy ról atqaratyn baǵyttardy damytý boıynsha naqty tapsyrmalar berdi.
«Eń bastysy, memlekettik qoldaýǵa ıe bolatyn jobalardy irikteý ashyq ótýge tıis. Jobanyń naqty áleýmettik-ekonomıkalyq tıimdiligin eskerý qajet. Osy oraıda, Úkimetke depýtattarmen birlesip, orta bıznesti damytýdyń tyń tásilderin ázirleýdi tapsyramyn. О́ıtkeni orta bıznes el ekonomıkasyn damytý isinde basty ról atqarady. Bul másele meniń jeke baqylaýymda bolady», dedi Prezıdent.
Sondaı-aq aýqymdy jobalardy otandyq kásipkerler atqarý keregin atap ótti.
«Biz naqty ındýstrııalandyrýǵa, jergilikti óndiristi damytýǵa, ınfraqurylymdy jańǵyrtýǵa basa nazar aýdarýymyz qajet. Bıýdjetten qarjylandyrylatyn aýqymdy jobalardy, eń aldymen otandyq kásipkerler júzege asyrýǵa tıis», dedi Qasym-Jomart Kemeluly.
