Pikirtalastarǵa Qazaqstannyń Germanııadaǵy Elshisi Nurlan Onjanov pen eki eldiń syrtqy saıası vedomstvolary qurylymdyq bólimsheleriniń dıplomattary da qatysty.
Konsýltasııalar barysynda Qazaqstannyń keshendi ishki saıası jáne áleýmettik-ekonomıkalyq jańǵyrýynyń negizgi aspektilerine erekshe nazar aýdaryldy. R.Vasılenko nemis áriptesterine Qazaqstan Prezıdenti Qasym-Jomart Toqaev bastamashylyq etken reformalar paketterin iske asyrý nátıjeleri týraly, sondaı-aq 19 naýryzda ótken QR Parlamenti Májilisi men máslıhattar depýtattaryn saılaý qorytyndylary týraly egjeı-tegjeıli aıtyp, ótken parlamenttik saılaýdyń qoǵamdaǵy ózgeristerdi jáne eldiń saıası júıesin odan ári jańǵyrtýǵa degen umtylysty kórsetetinin jetkizdi.
О́z tarapynan M.Lıýttenberg halyqaralyq baıqaýshylardyń ótken saılaýdy baǵalaýyna nazar aýdaryp, elimizdegi qoǵamdyq-saıası ózgeristerdi oń sıpattady jáne Qazaqstandy óńirlik kontekstte «adam quqyqtaryn qorǵaýdyń kórneki úlgisi» jáne «demokratııalyq ózgeristerdiń draıveri» dep atady.
Taraptar bilim jáne mádenı-gýmanıtarlyq yntymaqtastyq salalaryndaǵy Qazaqstan-Germanııa kooperasııasynyń oń dınamıkasyn qoldaýǵa birlesken kúsh-jiger jumsaýǵa kelisti. Sonymen qatar saýda-ınvestısııalyq kórsetkishterdiń qarqyndy ósýin atap ótti.
Nemis statıstıkasyna sáıkes, ótken jyldyń qorytyndysy boıynsha Qazaqstan alǵash ret GFR-dyń 50 jetekshi saýda áriptesteriniń tizimine enip, 10,5 mlrd AQSh dollar taýar aınalymymen 43-shi orynǵa ıe boldy. Bizdiń derekterge sáıkes, Germanııamen saýda 2022 jyly 2,8 mlrd AQSh dollar qurap, 2021 jylmen salystyrǵanda 26,7%-ǵa artqan.
Qazirgi ýaqytta elimizde nemis kapıtalynyń qatysýymen «SVEVIND» jáne «Goldbeck Solar» fırmalaryn qosa alǵanda 600 kásiporyn jumys isteıdi. Olar Qazaqstannyń óńirlerinde jasyl sýtegi jáne jańartylatyn energııa óndirisi salalarynda aýqymdy jobalardy júzege asyrýda.
Sonymen qatar Germanııa astanasynda R. Vasılenko GFR Býndestagy depýtattary, «Germanııa – Ortalyq Azııa» parlamenttik tobynyń tóraǵasy Oıgen Shmıdtpen, Petr Bystronmen, Manfred Grýndpen jáne Krıstıan Gorkemen kezdesý ótkizdi. Kezdesý barysynda 19 naýryzda ótken parlamenttik saılaýdyń qorytyndylary jáne Qazaqstannyń jańartylǵan depýtattyq korpýsynyń nemis tarapymen ózara is-qımyly úshin basym baǵyttar talqylandy.
Mınıstr orynbasarynyń jumys baǵdarlamasynyń jekelegen tarmaqtary onyń birqatar nemis BAQ ókilderine arnalǵan brıfıngi jáne Shyǵys Eýropa jáne halyqaralyq zertteýler ortalyǵynyń (ZOiS) ákimshilik dırektory Krıstıan Shaıhpen, ZOiS ǵylymı qyzmetkeri Beate Eshmentpen jáne Ortalyqtyń basqa da saıasattanýshylarymen jahandyq jáne óńirlik konıýnktýralar kontekstindegi Qazaqstan-Germanııa áriptestik taqyrybyndaǵy suhbatqa qatysýy boldy.
