Kezdesý barysynda qazaqstandyq dıplomat QR Premer-mınıstriniń orynbasary – Syrtqy ister mınıstri Muhtar Tileýberdi atynan «Saudi EXIM» basshysyn 2023 jylǵy 8-9 maýsymda ótkizýi josparlanǵan Astana halyqaralyq forýmyna qatysýǵa shaqyrdy.
Sonymen qatar taraptar saýda-ekonomıkalyq jáne ınvestısııalyq salalardaǵy ekijaqty yntymaqtastyqty keńeıtý máselelerin talqylady. Atap aıtqanda, olar eksporttyq-ımporttyq saqtandyrý jáne birlesken jobalardy qarjylandyrý salasynda eki eldiń bıznes-qoǵamdastyqtary úshin jaǵdaı jasaý arqyly taýar aınalymy kólemin ulǵaıtýdyń mańyzdylyǵyn atap ótti.
Taraptar eki memlekettiń qarjy ınstıtýttary arasyndaǵy yntymaqtastyqty ornatýǵa erekshe nazar aýdardy. Qazaq tarapy «Astana» halyqaralyq qarjy ortalyǵynyń qyzmeti týraly habardar etip, «Saudi EXIM» banki ókilderin AHQO alańyn óńirlik bıznes jáne qarjy ortalyǵy retinde paıdalanýǵa shaqyrdy.
