Respýblıkalyq kezeń 1-5 sáýir aralyǵynda Astanada ótedi. Olımpıada Halyqaralyq shahmat federasııasynyń erejeleri boıynsha rapıdtik (komandalyq) formatta ótedi. Týrnırdiń júlde qory - 500 myń teńge.
«Memleket basshysynyń qoldaýymen «Mekteptegi shahmat» jobasy júzege asyryldy. Shahmat qozǵalysyn odan ári qoldaý maqsatynda bıyl oqýshylar arasynda shahmattan olımpıada bastaldy. Mektepishilik kezeńde 319 myńnan asa oqýshy qatysyp, úzdikter elordada baq synaıdy. Jeńimpazdar men júldegerler medaldarmen, kýboktarmen jáne dıplomdarmen marapattalady», deıdi Ulttyq ǵylymı-praktıkalyq dene tárbıesi ortalyǵynyń bas dırektory Saǵdat Sadyqov.
Uıymdastyrýshylardyń aıtýynsha, olımpıada elimizdegi shahmat qozǵalysyn damytýǵa yqpal etedi. Joba aldaǵy ýaqytta mektep sporty aıasyndaǵy mańyzdy sharalardyń birine aınalady.
