Sapar aıasynda Bombeı myrza QR Prezıdenti Ákimshiligi Basshysynyń birinshi orynbasary Tımýr Súleımenovpen, QR Premer-mınıstriniń birinshi orynbasary Roman Sklıarmen, QR Indýstrııa jáne ınfraqurylymdyq damý mınıstriniń mindetin atqarýshy Marat Qarabaevpen, Azamattyq avıasııa komıtetiniń tóraǵasy Talǵat Lastaevpen jáne Qazaqstannyń avıasııalyq ákimshiliginiń bas dırektory Katalın Radýmen kezdesti.
Kezdesýler barysynda Pıter Bombeı Qazaqstan Respýblıkasynda azamattyq avıasııany basqarý tásilderinde júrgizilip jatqan reformalarǵa Eýropalyq Komıssııanyń joǵary baǵa bergeni týraly habardar etti. Bul bizdiń elimizdiń azamattyq avıasııa salasyndaǵy óńirlik kóshbasshy retinde qalyptasýyna yqpal etti.
Sondaı-aq Eýropalyq Odaqtyń Ushý qaýipsizdigi komıtetiniń basshysy Azamattyq avıasııa komıteti júrgizip jatqan «ashyq aspan» saıasatyn oń baǵalady.
Sapar barysynda taraptar ushý qaýipsizdigin qamtamasyz etý, Qazaqstan Respýblıkasy men Eýropalyq Odaq arasyndaǵy áýe qatynasy salasyndaǵy quqyqtyq bazany keńeıtý sıaqty keń aýqymdy máselelerdi talqylady.
Kezdesýlerdiń qorytyndysy boıynsha taraptar azamattyq avıasııa salasyndaǵy yntymaqtastyqty odan ári nyǵaıtý maqsatynda birlesken jumysty jalǵastyrýǵa ýaǵdalasty.
Pıter Bombeı – ushý qaýipsizdigi boıynsha halyqaralyq sarapshy. 24 jyl boıy Eýropalyq komıssııada jumys isteıdi. 3 jyl boıy IKAO-da Eýropalyq Odaqtyń ókili bolyp jumys istedi.
Bombeı myrza Eýropalyq Odaqtyń Eýropalyq Komıssııanyń Utqyrlyq jáne kólik jónindegi bas dıreksııasynyń Ushý qaýipsizdigi jónindegi Eýropalyq Odaq komıtetin 11 jyldan astam basqardy, ol óz kezeginde áýe kompanııalaryn Eýropalyq Odaq elderine («qara tizim» dep atalatyn) ushýǵa tyıym salynǵan tasymaldaýshylar tizimine engizý máselelerin qarastyrady.
