Sondaı-aq elimizde demalys oryndarynyń sany birneshe júzge artqany da qýantarlyq jaıt. Máselen, byltyr týrısterdi ornalastyrýǵa arnalǵan 284 jańa oryn tirkelgen, elimiz boıynsha olardyń jalpy sany 4 myńǵa jetti. Al bir mezgildegi syıymdylyq 10 myń birlikke artyp, 203 myńnan astam tósek-oryndy qurady.
«Bizge sheteldik qonaqtardy tartýmen qatar ishki týrızm kórsetkishteri de mańyzdy. Mysaly, elimizde bir jyldan astam ýaqyt boıy Kids go Free baǵdarlamasy jumys isteıdi, sonyń arqasynda balalarǵa Qazaqstan boıynsha tegin ushaq bıletteri usynylady. Sondaı-aq el ishinde saıahattaıtyn azamattar úshin týrıstik keshbek engizý josparlanyp otyr. Biz qazirdiń ózinde bar destınasııalar men ishki týrızmge degen qyzyǵýshylyqty arttyrý baǵytynda jumysty jalǵastyramyz», dedi Mádenıet jáne sport vıse-mınıstri Erjan Erkinbaev.
Esterińizge sala keteıik, osyǵan deıin elimizde týrızm salasyndaǵy kásipkerlerdi memlekettik qoldaýdyń birneshe quraly iske qosylǵan bolatyn. Olardyń ishinde - týrıstik nysandardy salýǵa jáne qajetti jabdyqtardy satyp alýǵa jumsalǵan bıznestiń shyǵyndaryn ishinara óteý sharalary bar.
