«Qazgıdromet» málimetinshe, búgin elimizdiń basym bóliginde kún ashyq bolady. Tek respýblıkanyń ońtústiginde atmosferalyq frontaldy bólikterdiń ótýine baılanysty jańbyr jaýady, taýly aýmaqtarynda - qatty jańbyr, respýblıka boıynsha jeldiń kúsheıýi kútiledi.
Túnde Almaty oblysynyń taýly aýmaqtarynda, Jetisý oblysynyń soltústiginde, ortalyǵynda jáne taýly aýmaqtarynda 1-6 gradýsqa deıin úsik saqtalady.
Al Almaty qalasynda búgin kún ashyq bolady, termometr baǵany kúndiz +17...+19 gradýsqa deıin kóteriledi. Jeldiń jyldamdyǵy 0-5 m/s.
Astanada da sársenbide jaýyn-shashyn kútilmeıdi, degenmen kóshpeli bult shyǵýy múmkin. Kúndiz +16...+18 gradýs aralyǵynda jyly bolady. Jeldiń jyldamdyǵy 3-8 m/s.
Sınoptıkter búgin Shymkentte naızaǵaı oınap, jańbyr jaýatynyn eskertedi. Sondaı-aq aýa temperatýrasy +16...+18 gradýsqa deıin tómendeýi yqtımal. Budan bólek megapolıste jeldiń jyldamdyǵy 8-13 m/s-qa, ekpini 15-20 m/s-qa deıin jetýi múmkin.
