«Taǵy bir óte mańyzdy másele. Bul qazaq tiliniń latyn álipbıine kóshýine qatysty. Bul másele búkil qoǵamnyń yqylasyn týdyrǵany belgili. Men buryn bul másele boıynsha talaı ret aıttym: biz, eń aldymen, osy sátti paıdalana otyryp, qazaq tiline reforma jasaýymyz kerek. Másele kırıll álipbıinen latyn álipbıine mehanıkalyq túrde kóshýde emes. Biz latyn álipbıine tez arada kóshýimiz kerek dep, kóptegen óreskel qate jiberdik», dedi Qasym-Jomart Toqaev.
Osy tusta Memleket basshysy latyn qarpimen jazylǵan bılbordtardy mysalǵa keltirdi.
«Mysaly, latyn qarpimen jazylǵan bılbordtarǵa qarańyzdar! Bul – qazaq tili emes, tilimizdiń tabıǵatyna jat, burmalanǵan mátinder. Sondyqtan bul jumysty Ǵylym akademııasynyń basshylyǵymen asyǵystyqqa jol bermeı, jan-jaqty oılastyra otyryp, jalǵastyrý kerek. Taǵy da qatelesýge quqymyz joq. Bir mysal keltireıin. Men bul másele boıynsha Quryltaı otyrysynda aıttym. Kırıllısada kóptegen sózde «y» degen árip bar. Mysaly, «yrymshyl» degen sózde úsh «y». Biz ony avtomatty túrde «ý» dep jazatyn boldyq. Sonda «yrymshyl» degen sózdi latyn álipbıinde jazatyn bolsaq, úsh ıgrek bolady. Bul qazaq tili me? Ony kim oqı alady? Aqyrynda, tilimiz kırıll álipbıimen de, tipti, latyn álipbıimen de jaǵymsyz kórinetin boldy. Osyndaı mysaldar az emes. Sondyqtan ǵalymdarymyz basqa elderdiń ozyq tájirıbesin muqııat zerttep, utymdy tustaryn paıdalanýy kerek», dep túıindedi Prezıdent.
