Túrkistan oblysy polısııa departamentiniń bastyǵy Murat Qabdenov óńirde zańsyz kóshi-qon arnasyn anyqtap, aldyn alý jáne olardy uıymdastyrýshylardy tabý, sondaı-aq oblys aýmaǵynda júrgen sheteldikter men azamattyǵy joq adamdardy anyqtaý maqsatynda tikeleı tapsyrma berip, arnaıy top qurdy. Atalmysh top 10 táýlik ishinde el aýmaǵynda zańsyz júrgen О́zbekstan Respýblıkasynyń 114 azamatyn anyqtaǵan. Olarǵa qatysty QR ÁQBtK-niń 517-baby boıynsha tıisti hattamalar toltyrylyp, jınaqtalǵan is qujattar jergilikti sotqa joldandy.
Al Qazaqstan Respýblıkasynda bolý erejelerin buzǵan 50 shetel azamaty sot sheshimimen el aýmaǵynan alastatylsa, tórt sheteldik ákimshilik qamaýǵa alyndy. Budan bólek, sheteldik jumys kúshin zańsyz paıdalanǵan Qazaqstan Respýblıkasynyń eki azamatynyń árqaısysyna QR ÁQBtK-niń 519-baby boıynsha ákimshilik aıyppul salyndy.
Shetel azamattaryn zańda belgilengen tártip boıynsha qabyldamaǵan úsh Qazaqstan azamatyna qatysty QR ÁQBtK-niń 518-baby boıynsha shara qoldanyldy. Osy rette oblystyń bas polıseıi M.Qabdenovtiń jiti baqylaýymen zańsyz júrgen shetel azamattary men azamattyǵy joq adamdardy anyqtaý jumystary úzdiksiz jalǵasýda.
