Konkýrstyq irikteýden ótken BAITURSYNOV UNIVERSITY-niń «Bıologııa», «Esep jáne qarjy» bilim berý baǵdarlamalarynyń stýdentteri jańa oqý jylyn Lıtvadaǵy eń kóne ýnıversıtetterdiń biri – VITAUTAS MAGNUS UNIVERSITY-de bastaıdy. Mundaı múmkindik Qazaqstan men Lıtva ýnıversıtetteri arasynda qol qoıylǵan akademııalyq yntymaqtastyq týraly memorandýmnyń arqasynda týdy.
Eýropalyq ýnıversıtettiń dıplomyn alý úshin qostanaılyq stýdentter Lıtva ýnıversıtetinde bir jyl oqyp kelýi shart. Nátıjesinde stýdent oqý bitirgennen keıin bakalavr dárejesindegi eki dıplom alady, biri – VITAUTAS MAGNUS UNIVERSITY-niń, ekinshisi – A.Baıtursynov atyndaǵy Qostanaı óńirlik ýnıversıtetiniń dıplomy. VMD-niń dıplomyn álemniń 50 eli, onyń ishinde Eýroodaq elderi, sonymen qatar AQSh pen Kanada moıyndaıdy.
Aıta ketý kerek, 100 jyldyq tarıhy bar Lıtva eliniń oqý ornynda bilim alý múmkindigine tek A.Baıtursynov atyndaǵy QО́Ý-de 1 semestrden 5 semestrge deıin oqyǵan jáne aǵylshyn tiliniń deńgeıi A2-den tómen emes stýdent qana ıe bola alady.
Sondaı-aq búgin memorandým aıasynda halyqaralyq yntymaqtastyq týraly kelisimge de qol qoıylǵan. Ýnıversıtetter úshin bul – ózara tıimdi akademııalyq baǵdarlamalar men kýrstardy ázirleý, akademııalyq utqyrlyq baǵdarlamasy aıasynda stýdentter men oqytýshylardyń almasýy, birlesken zertteýler men konferensııalar, dárister, trenıngter ótkizý múmkindigi. Osy jazda atalmysh baǵdarlama boıynsha oqý ornynyń birneshe oqytýshysy Lıtvada biliktilikterin arttyrady.
