Qyzylorda oblysy boıynsha Sybaılas jemqorlyqqa qarsy qyzmet QK-niń 189-baby 4-bóligi, 2-tarmaǵy boıynsha Jańaqorǵan aýdandyq bilim bóliminiń basshysy men býhgalterine qatysty qylmystyq isti tergep jatyr.
Olar bilim berý mekemeleriniń qyzmetkerleri bolyp tabylmaıtyn tulǵalardyń esep-shottaryna eńbekaqy túrindegi aqshalaı qarajatty aýdarý arqyly 543 mln teńge somasynda bıýdjet qarajatyn jymqyrdy dep kúdiktelýde.
Qyzylorda qalasynyń mamandandyrylǵan tergeý sotynyń sanksııasymen kúdiktiler qamaýǵa alyndy.
Qylmystyq prosestik kodekstiń 201-babyna sáıkes tergeý múddesi úshin ózge aqparat jarııa etýge jatpaıdy.
Sonymen birge Konstıtýsııanyń 77-baby 3-tarmaǵynyń 1-tarmaqshasyna jáne qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árqaısysy kinásiz dep esepteledi.
