18 sáýirde Ystanbuldaǵy Qazaqstannyń Bas konsýldyǵyna Qazaqstan azamaty qońyraý shalyp, oq tıgenin habarlaǵan.
Elshilik bul málimetti estigennen keıin dereý jábirlenýshige baryp, ony jergilikti aýrýhanaǵa jatqyzǵan.
QR SIM baspasóz qyzmeti er adam medısınalyq tekserýden ótkenin, qazir oqty alý úshin jasalatyn operasııany kútip jatqanyn, jaǵdaıy turaqty ekenin habarlady. Qazir jábirlenýshiniń janynda áıeli bar.
Aldyn ala málimetter boıynsha, qazaqstandyq azamat jergilikti turǵyndar arasyndaǵy atystyń kezdeısoq qurbany bolǵan.
Polısııa oqıǵanyń egjeı-tegjeıin anyqtaý úshin tergeý júrgizip jatyr.
