«Qalanyń shuǵyl jedel qyzmetteri osyndaı habarlarǵa alǵashqy den qoıý sharalary sheńberinde jarylys-tehnıkalyq zertteý júrgizdi», delingen qalalyq PD baspasóz qyzmeti taratqan habarlamada.
Vedomstvo birneshe mektep tekserilgenin, nátıjesinde aqparat jalǵan bolyp shyqqanyn atap ótti.
«QR Qylmystyq kodeksiniń 273-baby («Terrorızm aktisi týraly kórineý jalǵan habarlama») boıynsha qylmystyq is qozǵaldy. Qazirgi ýaqytta jumys jalǵasýda», dep jazdy Almaty PD baspasóz qyzmeti.
Daıyndalyp jatqan terrorızm aktisi týraly kórineý jalǵan habarlaý – bes myń aılyq eseptik kórsetkish mólsherinde aıyppul salýǵa ne sol mólsherde túzeý jumystaryna ne bes jylǵa deıingi merzimde bas bostandyǵyn shekteýge ne sol merzimge bas bostandyǵynan aıyrýǵa jazalanady.
