«Sulýlyq salonyna 1962 jyly týǵan azamatsha kózine blefaroplastıka jasaý úshin júgingen. Salon qyzmetkeriniń lısenzııasy jáne basqa da medısınalyq qyzmetpen aınalysýǵa ruqsaty bolmaǵan. Biraz ýaqyttan keıin naýqas aýyryp, jedel túrde jansaqtaý bólimine jiberildi. Alaıda sol jerde qaıtys boldy», dep habarlady О́skemen qalasynyń prokýratýrasy.
Boljam boıynsha, áıel anafılaktıkalyq shok alǵan.
16 sáýirde polısııa qyzmetkerleri Qazaqstan Respýblıkasy Qylmystyq kodeksiniń 322-babynyń 3-bóligi (Osy qyzmet túrine sertıfıkaty (nemese) lısenzııasy joq adamnyń medısınalyq nemese farmasevtıkalyq qyzmetpen aınalysýy, eger bul abaısyzda adam ólimine ákep soqsa) boıynsha sotqa deıingi tergep-tekserýdi bastady.
QR Qylmystyq kodeksiniń 322-babynyń 3-bóligi úsh jylǵa deıingi merzimge belgili bir laýazymdardy atqarý nemese belgili bir qyzmetpen aınalysý quqyǵynan aıyra otyryp, bes jylǵa deıingi merzimge bas bostandyǵyn shekteýdi ne sol merzimge bas bostandyǵynan aıyrýdy kózdeıdi.
