Jármeńkede densaýlyq saqtaý, bilim berý, qurylys, qyzmet kórsetý jáne basqa da salalarda bos jumys oryndaryn tabýǵa bolady.
«Esil University-men birlesip «Astana jastary» jastar resýrstyq ortalyǵy, halyqty jumyspen qamtý ortalyǵy bos jumys oryndary jármeńkesin ótkizdi. Qazirgi ýaqytta 50 kompanııa 500-ge jýyq jumys ornyn usynady. Olardyń qatarynda memlekettik qyzmet isteri agenttiginiń Astana qalasy boıynsha departamenti, bankter jáne basqa da mekemeler bar», dedi «Astana jastary» jastar resýrstyq ortalyǵynyń qyzmetkeri Oljas Hamıtov.
Esil University jármeńkesinde jumys tapqysy keletinder kóp boldy. О́ıtkeni munda birneshe jumys berýshimen suhbattasý múmkindigi jasaldy.
«Biz – óz shyǵarmashylyǵy arqyly tyń oılary, ıdeıalary bar jas stýdentterdi izdeıtin kompanııamyz. Bizde turaqty jalaqy, resmı jumysqa ornalasý, kareralyq ósý, tatý ujym bar. Stýdentter bizge túıindemelerin beredi, biz olarmen baılanys ornatamyz, olar bizge óndiristik praktıkaǵa nemese jumysqa ornalasýǵa kele alady», dep atap ótti personal jónindegi menedjer Qymbat Súleımenova.
Al Farıza Dilimbetova bir jyldan keıin dıplom alady, biraq qazirdiń ózinde tájirıbe jınaý úshin jumys izdep júr. Sebebi tájirıbesiz jumysqa ornalasý qıyn. Farıza sııaqty kóptegen stýdent úshin mundaı is-sharalar jaqsy jumys ornyn tabýdyń tamasha múmkindigi bolyp sanalady. О́tken jyly ǵana 250-den astam adam jumysqa ornalasty. Sondyqtan Astanada bos jumys oryndary jármeńkesi toqsan saıyn ótkiziledi.
Aıta keteıik, 2022 jyly elordada jastarǵa arnalǵan tórt bos jumys oryndary jármeńkesi ótti. Olarǵa 160-tan astam jumys berýshi men 2,5 myńǵa jýyq jas qatysty. Olarǵa barlyǵy 1 800-den astam bos jumys orny berildi.
