Qala ákimdiginiń baspasóz qyzmeti habarlaǵandaı, qazirgi tańda oblys ortalyǵynda Uly Otan soǵysyna qatysqan 13 ardager turady.
Olardyń árqaısysyna 1,5 mln teńgeden beriledi.
«Sonymen qatar, maıdangerlerden bólek, 15 sanat boıynsha bir jolǵy tólemaqy beriledi. Olardyń arasynda tyl eńbekkerleri, Ekinshi dúnıejúzilik soǵys kezinde qyzmet atqarǵan áskerı qyzmetshiler, Lenıngrad qorshaýda bolǵanda jumys istegen azamattar, konslagerlerdiń kámeletke tolmaǵan tutqyndary, jaralanýy saldarynan múgedek bolǵan áskerı qyzmetshiler, Chernobyl, Aýǵanstan, Taýly Qarabaq qaqtyǵystarynyń qatysýshylary bar. Jalpy, Oral qalasynda Jeńis kúnine oraı barlyǵy 2808 adamǵa 175 mln teńge kóleminde tólemaqy bólindi», dep habarlady vedomstvo ókilderi.
