Premer-mınıstr CNPC Qazaqstannyń energetıka salasyndaǵy mańyzdy strategııalyq seriktesteriniń biri ekenin jáne kompanııanyń 25 jyldan astam elimizde tabysty jumys istep kele jatqanyn atap ótti.
«Biz munaı-gaz salasynyń barlyq sektoryndaǵy iri jobalardy birlese júzege asyrǵan jyldar aralyǵynda senimdi seriktestik qatynas ornattyq. Qazaqstan Úkimeti strategııalyq yntymaqtastyǵymyzdy ári qaraı da tereńdetýge nıetti», dedi Álıhan Smaıylov.
О́z kezeginde Hýan Iýnchjan buǵan deıin de birqatar birlesken jobanyń sátti júzege asyrylǵanyn, olardyń basym bóligi ózara tıimdi yntymaqtastyqtyń úlgisi bolyp sanalatynyn atap ótip, kompanııa Qazaqstan Respýblıkasyndaǵy qyzmetin keńeıtýge múddeli ekenin bildirdi.
«Qytaı men Qazaqstan – tatý kórshiler. CNPC elderimiz arasyndaǵy ekijaqty qarym-qatynasty odan ári nyǵaıtýǵa úles qosýǵa daıyn», dedi Hýan Iýnchjan.
Kezdesý barysynda taraptar munaı eksporty, Qazaqstandaǵy CNPC jumyskerleriniń eńbek jaǵdaıyn jaqsartý, sondaı-aq basqa da birqatar ózekti máseleni talqylady.
