Aldyn ala málimet boıynsha, qalalyq mádenıet jáne demalys saıabaǵy mańynda ornalasqan garajda jarylys bolǵan. Oqıǵa ornynan úsh adamnyń máıiti tabylǵan. Qazir onda polısııa men órt sóndirýshiler jumys istep jatyr.
О́rt saldarynan Isataı-Mahambet kóshesi boıyndaǵy Abaı dańǵylynan Ihsanov kóshesine deıingi aralyqta kólik qozǵalysyn jabýǵa týra keldi.
Batys Qazaqstan oblysy tótenshe jaǵdaılar departamentiniń baspasóz qyzmeti taratqan málimetke qaraǵanda, 30 sharshy metr aýmaqtaǵy garaj janǵan, ishinde «VAZ-2121» órtengen. Keıinirek órt 42 sharshy metrlik jeke turǵyn úıdiń shatyryna jaıylǵan. О́rt sóndirýshiler garajdan úsh máıitti taýyp, tórt ottegi ballonyn shyǵardy.
О́rt 21:31-de aýyzdyqtalyp, 22:02-de tolyǵymen sóndirilgen. О́rttiń shyǵý sebebi men shyǵyny anyqtalyp jatyr. Oqıǵa ornynda Batys Qazaqstan oblysy tótenshe jaǵdaılar departamentiniń 23 qyzmetkeri men 7 tehnıka jumys istedi.
