IIM Ákimshilik polısııa komıtetiniń milemetinshe, 23 qańtardan beri 200 myńǵa jýyq avtokólik onlaın tekserýden ótken. Onyń ishinde 100 myńnan astam kólik quraly zańdastyrylǵan.
«Qazirgi ýaqytta Ishki ister mınıstrligi qosalqy bólshekter retinde ákelingen avtokólikterdi zańdastyrý sharttaryn aıqyndaıtyn Úkimet qaýlysynyń jobasyn ázirledi. Joba Úkimettiń qaraýyna engizilip, oǵan kelesi aptada qol qoıylady dep kútilýde. Úkimet qaýlysyna qol qoıylǵannan keıin birinshi resmı jarııalanǵan kúninen bastap 10 kún ótken soń ol qoldanysqa engizilip, sodan keıin biz avtokonstrýktorlardy tirkeýge alýǵa kirisemiz», dedi QR IIM Ákimshilik polısııa komıtetiniń tóraǵasy Qaısar Sultanbaev.
