2017 jyly elimiz jalpyǵa ortaq deklarasııalaý júıesine ótýi múmkin

ASTANA. 10 shilde. Elimizde shaǵyn jáne orta bıznestiń áleýeti jyl saıyn artyp keledi. Salyq komıtetiniń esepke alý, taldaý jáne monıtorıng basqarmasynyń basshysy Aıdar Baımanov osylaı dedi. Bul týraly «24kz» habarlady. Aıdar Baımanovtyń aıtýynsha, bıylǵy jartyjyldyqta el bıýdjeti salyq esebinen 963,1 mlrd. teńgemen tolyqqan. Fıskaldyq organ qyzmetkerleri belgilengen mejeni 30 mlrd. teńgege asyra oryndaǵan. Salyqtyń 60 paıyzy shaǵyn jáne orta bıznestiń úlesine tıesili. Sondaı-aq, ol: «Shaǵyn jáne orta bıznestiń túsimi jáne olardyń sany da jyldan-jylǵa artyp keledi. Sebebi olardyń ártúrli ekonomıkalyq daǵdarystarǵa qarsy turýǵa múmkinshilikteri mol. Aıta keterligi, 1 shildeden bastap salyq komıtetiniń bastamasymen elimizde elektrondyq shot-faktýra engizildi. Bul Memleket basshysynyń tapsyrmasyna sáıkes, kompanııalar jumysynyń tıimdiligin arttyrýǵa, aqparatty óńdeý shyǵyndary men oǵan jumsalatyn ýaqytty azaıtý maqsatynda engizilip otyr. Buǵan kosa 2017jyly elimiz jalpyǵa ortaq deklarasııalaý júıesine kóshedi dep josparlanýda», – dedi. Joldybaı Bazar. Derekkóz: «24kz». Foto: brainity.ru.