Oblystyq polısııa departamentiniń jedel ýákilderi Kóksý aýdanynda 51 jastaǵy er adamdy ustaǵan. Ol 2008 jyldan beri Reseıde esirtki qylmysyna qatysy bar degen kúdikpen halyqaralyq izdeýde bolǵan.
«Qazaqstan polısııasy kúdiktini Reseı Federasııasynyń Krasnoıarsk ólkesiniń polısııasynyń suraýy boıynsha izdestirgen. Kúdiktiniń turǵan jerin anyqtaý týraly aqparat izdeý jarııalaǵan tarapqa jiberildi. Istiń barlyq mán-jaıy anyqtalǵansha, anyqtalǵan adamǵa qatysty prosessýaldyq májbúrleý sharasy - kelý mindettemesi tańdaldy», delingen polısııa departamentiniń habarlamasynda.
