Taraptar qazaq-ózbek ózara is-qımylynyń birqatar ózekti máselesin, onyń ishinde saýda, ónerkásip kooperasııasy, ınvestısııalyq qyzmet, energetıka, logıstıka, transshekaralyq sý nysandaryn paıdalaný, mádenı-gýmanıtarlyq baılanystardy nyǵaıtý jáne t.b. salalardaǵy birlesken qadamdardy talqylady.
Álıhan Smaıylov О́zbekstan elimizdiń saýda salasyndaǵy iri seriktesteriniń biri ekenin aıtyp ótti. Atap aıtqanda, 2022 jyldyń qorytyndysy boıynsha ekijaqty taýar aınalymy josparlanǵan $5 mlrd-qa jetti.
«Bul ortaq kúsh-jigerdiń arqasynda múmkin bolyp otyr. Endi alǵa qoıylǵan joǵary deńgeıdegi mindetterge sáıkes orta merzimdi perspektıvada ózara taýar aınalymynyń kólemin $10 mlrd-qa deıin ulǵaıtý kerek», dedi Qazaqstannyń Úkimet basshysy.
Sonymen qatar Á. Smaıylov qazaq-ózbek Úkimetaralyq komıssııasynyń ekijaqty ózara is-qımyldyń keń aýqymdy máselelerin sheshýdegi erekshe rólin atap ótti.
О́z tarapynan Abdýlla Arıpov eki el arasyndaǵy strategııalyq áriptestikti odan ári nyǵaıtý úshin áleýettiń zor ekenin aıtty.
«О́zara saýdada oń dınamıka baıqalady. Ekonomıkanyń kóptegen salasynda ónerkásip kooperasııasynyń mańyzdy jobalary iske asyp jatyr. О́zbekstan saýda, energetıka, kólik, aýyl sharýashylyǵy men sý sharýashylyǵy jáne basqa da salalardaǵy yntymaqtastyqty odan ári nyǵaıtýǵa nıetti. Jalpy biz baýyrlas Qazaqstanmen aradaǵy qarym-qatynasty odan ári tereńdetýge múddelimiz», dedi Abdýlla Arıpov.
