Kelisim boıynsha kelissózder jedeldetilýde

Syrtqy ister mınıstri Erlan Ydyrysov Eýropalyq Odaqtyń Qazaqstandaǵy О́kildiginiń basshysy Aýrelııa Býshezben, Germanııanyń Qazaqstandaǵy elshisi Gıdo Herspen jáne Nıderland Koroldiginiń Qazaqstandaǵy elshisiniń orynbasary Harrı Pýtkermen kezdesýler ótkizdi. Kezdesýler barysynda ústimiz­degi jylǵy 30 maýsym – 1 shilde aralyǵynda Brıýsselde ótken Qazaqstan Respýblıkasy men Eýropalyq Odaq arasyndaǵy keńeıtilgen áriptestik pen yntymaqtastyq týraly jańa kelisim jobasy jónindegi kelissózderdiń jetinshi raýndynyń qorytyndylary talqylandy. Mınıstr kelissóz júrgizýshi toptardyń arasyndaǵy ózara túsinistiktiń arqasynda ótken raýnd eń nátıjeli bolǵanyn qanaǵatpen atap ótti – is júzinde qujattyń barlyq erejeleri kelisildi. Bul kelissóz úderisin 2014 jylǵy kúzge qaraı aıaqtaýǵa múmkindik beredi. Mınıstr EO elderimen vızalyq rejimdi jeńildetý máselesiniń elimiz úshin erekshe mańyzdy bolyp tabylatynyna erekshe nazar aýdardy. 2014 jylǵy 15 maýsymda Qazaqstan birjaqty túrde elimizdiń ekonomıkasynyń eń úlken ınvestorlary bolyp tabylatyn on eldiń azamattaryna bir jyldyq merzimge vızasyz rejim engizgeni málim. Kezdesýlerde ústimizdegi jyly GFR-men readmıssııa týraly kelisimniń ratıfıkasııasyn aıaqtaý, Benılıýks elderimen dıplomatııalyq pasport ıelerin vızalyq talaptardan bosatý tý­raly kelisim jáne readmıssııa týraly kelisimge qol qoıýǵa daıyn­dyq máseleleri týraly áńgime qoz­ǵaldy, dep habarlady QR SIM-iniń baspasóz qyzmeti.