Ol bul týraly óziniń telegram arnasynda habarlady.
«Ishki bıznes prosesterdi qaıta qarap, ońtaılandyrý Prezıdenttiń memlekettik sektordy sıfrlyq quraldar arqyly damytý jónindegi tapsyrmasyna oraı júrgizilip jatyr. Zamanaýı tehnologııalar basqarý prosesin barynsha avtomattandyrýǵa, qyzmetkerlerdiń jaýapkershiligi men kásiporyndar jumysynyń tıimdiligin arttyrýǵa yqpal etetinin túsinýimiz kerek. Sonymen qatar bul joba ujymdaǵy qarym-qatynasty jaqsartyp, jumys nátıjesine de oń áser etedi», dep jazdy.
A.Dádebaevtyń aıtýynsha, jobaǵa daıyndyq kezeńinde aldyn-ala saraptama jasalyp, bes júzge jýyq maman arasynda saýalnama júrgizildi, ózgeristerdiń baǵyt-baǵdary aıqyndaldy. Osylaısha, sıfrlyq transformasııa medısınalyq qyzmet, qurylys, áýe tasymaly men avtotasymal, uıymdastyrý jáne materıaldyq-tehnıkalyq qyzmet kórsetý syndy baǵyttardy qamtyp otyr.
«Sondaı-aq qujat aınalymy, HR-prosess, bıýdjet qurý men quqyqtyq qoldaý, satyp alý, strategııalyq josparlaý sııaqty basqarý prosesterin jetildire túsý kózdelgen.
Transformasııa nátıjesinde óndiris prosesin aıtarlyqtaı ońtaılandyrýdy, bıýrokratııany barynsha azaıtýdy, jáne jumys sapasyn odan ári jaqsartýdy mejelep otyrmyz», dep jazdy Prezıdenttiń Is basqarýshysy.
QR Prezıdentiniń Is basqarmasyndaǵy sıfrlyq transformasııa 2025 jyly tolyq aıaqtalýǵa tıis. Degenmen, oń ózgerister bıyldyń ózinde baıqalýy yqtımal.
