Aqylbek Kúrishbaevtyń esimi men eńbegi ǵylymı qaýymdastyqqa keńinen tanys. Ásirese, elimizdiń agrarlyq ǵylymyn damytýǵa sińirgen eńbegi orasan. Ol basqa qyzmetterin aıtpaǵannyń ózinde A.I.Baraev atyndaǵy astyq sharýashylyǵy ǵylymı-zertteý ınstıtýtyn basqarǵan jyldary otandyq agroǵylymnyń alǵa basýyna septigin tıgizdi. Aýyl sharýashylyǵy mınıstri bolyp turǵanda da agroǵylymǵa erekshe nazar aýdarǵany kópshiliktiń esinde.
«Aýyl sharýashylyǵy ǵylymnyń doktory, professor, akademık Aqylbek Kúrishbaev «Agrobıologııa jáne ekologııa bólimshesiniń jetekshisi retinde jalpy agrarlyq ǵylymdy, aýyl sharýashylyǵy, mal sharýashylyǵy, egin jáne kókónis ósirý, sý resýrstaryn basqarý, ekologııa, tabıǵatty qorǵaý salalarynyń qyzmetin úılestiredi», dep habarlady ýnıversıtettiń baspasóz qyzmeti.
Otandyq ǵylym men bilim salasynyń kórnekti ókili, iri ǵalym Aqylbek Kúrishbaev jańa mártebege ıe bolǵan Ulttyq ǵylym akademııasynyń jumysyn odan ári jandandyra túsedi degen senim zor.
