«Baıqońyr» ǵarysh aılaǵynda keńestik kezeńnen qalǵan ushyrý alańdary bar. Ushyrý keshenderiniń ózi naqty úlgidegi zymyran tasyǵyshtarǵa arnap jasalǵan. Sondyqtan onda arnaýly zymyran tasyǵyshtar paıdalanylýda. Olardy basqa maqsattarda paıdalanýdyń balama baǵyttary joq, óıtkeni tehnıkalyq turǵyda múmkin emes», dep jaýap berdi M. Oljabaev Senattyń jalpy otyrysynan keıin BAQ ókilderiniń suraǵyna.
Osy oraıda ol jalǵa alý sharty birneshe ret uzartylǵanyn aıtty.
«Bul baǵytta tıimdi jobalar bar. Onyń ishinde ǵarysh aılaǵy qyzmetine mamandarymyzdy jumyldyrý eskerilgen. Sonymen qatar zymyran tasyǵysh ushyrylǵannan keıin, ekologııalyq jaǵdaıǵa baqylaý jasaýǵa erekshe mán berilip otyr. Osy turǵyda biz ekijaqty ózara tıimdi yntymaqtastyq aıasyndaǵy qarym-qatynasymyzdy tereńdetip jatyrmyz», dedi vıse-mınıstr.
«Ǵarysh aılaǵyn jalǵa berý quny jylyna 115 mıllıon dollardy qurap otyr. Eger ınflıasııa týraly aıtatyn bolsaq, bul tólem dollarmen esepteledi. Al ulttyq valıýtada bolsa da, qazirgi baǵam boıynsha eseptelip otyrady. Teńgedegi baǵa 1994 jyldan beri aıtarlyqtaı ósti», dedi Málik Oljabekov.
