«Ashyq» NQA portalynda jarııalanǵan Prezıdenttiń Jarlyq jobasyna saı, endi memlekettik saıası jáne ákimshilik qyzmetshiler qataryna mynadaı jańa laýazymdar engiziledi:
- Qazaqstan Respýblıkasynyń Joǵary aýdıtorlyq palatasy Tóraǵasynyń kómekshisi, keńesshisi;
- Qazaqstan Respýblıkasynyń Úkimeti Apparatynyń, Qazaqstan Respýblıkasynyń Joǵary aýdıtorlyq palatasynyń sektor meńgerýshisi.
Aıta keteıik, engizilýi múmkin laýazymdar V-3 sanatyna jatady.
«Prezıdent Jarlyǵynyń jobasy merıtokratııa qaǵıdatyn tabysty iske asyrý, sondaı-aq QR Joǵary aýdıtorlyq palatasy jumyskerlerin yntalandyrý maqsatynda ázirlendi. Jarlyq jobasymen Joǵary aýdıtorlyq palatanyń sektor meńgerýshileriniń, sondaı-aq Tóraǵanyń kómekshisi jáne keńesshisi laýazymdaryn laýazymdar tizilimine tıisti ózgeris engizý jolymen V-3 sanatyna jatqyzý usynylady. Jarlyq jobasyn qabyldaý respýblıkalyq bıýdjetten qarjy shyǵyndaryn talap etpeıdi jáne teris áleýmettik-ekonomıkalyq jáne quqyqtyq saldarlarǵa ákep soqtyrmaıdy», dedi Jarlyq jobasyna túsindirme bergen Joǵary aýdıtorlyq palata.
Qujat 24 mamyrǵa deıin kópshilik talqylaýda bolady.
