Zańda óz fýnksııasyn júzege asyrý úshin qajetti artyqshylyqtar men jeńildikter beriletin tolyqquqyqtyq sýbekti bolyp tabylatyn úkimetaralyq uıym retindegi Ortalyq Azııa óńirlik ekonomıkalyq yntymaqtastyq ınstıtýtyn qurý kózdelip otyr.
Kelisimdi ratıfıkasııalaý ınstıtýtqa múshe elderdiń óńirlik yntymaqtastyq, jobalardy josparlaý jáne iske asyrý prosesterine qatysý múmkindigin keńeıtýdi kózdeıdi.
«Kelisim birlesken nemese ujymdyq jobalardy júzege asyrý jáne ǵylymı zertteýlerdiń derekteri men nátıjelerin keńinen taratý arqyly OAО́EY-da jáne ınstıtýtqa múshe elder arasynda ǵylymı zertteýlerdiń tıimdiligin qamtamasyz etýge baǵyttalǵan. Instıtýttyń jumysy aıasynda qazirgi qaýip-qaterge saı áreket etý jáne yntymaqtastyqty júzege asyrý maqsatynda elderge tájirıbe almasýǵa negizdelgen ınnovasııalyq sheshimder usynylatyn bolady», dep atap ótti senator Shákárim Buqtuǵutov.
Komıtet músheleri talqylaý nátıjeleri boıynsha zańdy Palata otyrysynda qaraýǵa jiberý týraly sheshim qabyldady.
