«Tótenshe jaǵdaılardyń aldyn-alýǵa basa kóńil bólý kerek. Qazirdiń ózinde keıbir óńirlerde kúrdeli jaǵdaı qalyptasyp otyr. О́tken aptada Qazaqstannyń soltústiginde jáne Reseıdiń shekaralas aımaqtarynda bolǵan órttiń tútini elordaǵa deıin jetti. Al tabıǵı órtterge qarsy daıyndyq sharalary talapqa saı bolmaı tur. Biz munyń qaıǵyly jaǵdaılarǵa ákelip soǵatynyn kórip otyrmyz», dedi Álıhan Smaıylov.
Sondaı-aq Premer-mınıstr kún jylyna bastaǵannan beri elimizde 120-dan astam tabıǵı órt oqıǵasy tirkelgenin atap ótti. Úkimet basshysynyń aıtýynsha, olar kóp jaǵdaıda adamdardyń kinásinen, qaýipsizdik sharalaryn saqtamaǵannan bolady.
«Tipti, eldi-mekenderge irgeles aýmaqtar men alqaptardan bastalǵan órt turǵyn úılerge aýysyp, adamdardyń ómirine qaýip tóndirip otyr. Bıyl osyndaı 14 jaǵdaı tirkeldi. Bul – birinshi kezekte, órt qaýipsizdigine jaýapty ýákiletti organdar men jedel áreket etýi tıis tótenshe jaǵdaı qyzmetteri men ákimdikterdiń jumysyndaǵy kemshilik. Sondyqtan órtten qorǵaıtyn beldeýlerdi jyrtý, irgeles aýmaqtardy qýraǵan shópterden tazartý sııaqty jumystardy tez arada júrgizý kerek», dedi Úkimet basshysy.
