«Qazgıdromet» RMK málimeti boıynsha, ońtústik sıklonnyń jáne onymen baılanysty atmosferalyq frontaldy ýchaskelerdiń áserinen respýblıkanyń basym bóliginde turaqsyz aýa raıy saqtalady. Kún kúrkirep, jańbyr jaýady, oblystyń ońtústik-batysynda, soltústik-batysynda, ońtústiginde qatty jańbyr jaýady.
Qazaqstan Respýblıkasynyń ońtústik-batysynda, soltústik-batysynda, ońtústiginde, ortalyǵynda burshaq jaýýy yqtımal.
Respýblıkanyń soltústiginde, shyǵysynda, ońtústik-shyǵysynda soltústik-batys antısıklonynyń ekpini áserinen jaýyn-shashynsyz aýa raıy saqtalady.
Respýblıka boıynsha jel kúsheıedi, soltústikte tuman, soltústik-batysta shańdy daýyl kútiledi.
Tańerteń jáne kúndiz Aqtóbe oblysynyń ońtústiginde Almaty oblysynyń ońtústigi men taýly aımaqtarynda, soltústik-batysta, ońtústikte, Mańǵystaý oblysynyń ortalyǵynda, Qyzylorda oblysynyń ortalyǵynda qatty jańbyr jaýady.
Qyzylorda, Túrkistan oblystarynyń ortalyǵynda, Aqtóbe oblysynyń ońtústiginde sondaı-aq Ulytaý, Almaty oblystarynyń soltústik-batysynda tótenshe órt qaýpi saqtalady.
Astanada kóshpeli bult shyǵady, kún jaýyn-shashynsyz ótedi. Jel soltústik-shyǵystan, shyǵystan soǵyp, ekpini 15-20 m/s deıin jetedi. Aýa temperatýrasy túnde +7+9°S, kúndiz +21+23°S.
Almatyda kóshpeli bult shyǵady, jaýyn-shashyn kútilmeıdi. Jeldiń ekpini 0-5 m/s bolady. Aýa temperatýrasy túnde +14+16°S, kúndiz +29+31°S.
Shymkentte kóshpeli bult shyǵady, jańbyr jaýady, tańerteń jáne kúndiz qatty jańbyr jaýady. Keı ýaqytta naızaǵaı, burqasyn kútiledi. Ońtústik-batystan 8-13, ekpini 15-20 m/s jel soǵady. Aýa temperatýrasy túnde +15+17°S, kúndiz +19+21°S.
