Sammıtte Memleket basshysy ortaq múddege saı keletin yntymaqtastyqtyń mańyzdy baǵyttaryna toqtaldy. Ol eń birinshi baǵyt retinde taýar aınalymyn arttyrýdy atady.
«Sońǵy jyldary Ortalyq Azııa elderiniń ekonomıkalyq qarym-qatynasy jańa deńgeıge kóterildi. Byltyr Qazaqstannyń osy aımaqtaǵy memlekettermen alys-berisi 19 paıyzǵa ósti. Iаǵnı, 8 mıllıard dollar boldy. Aldaǵy ýaqytta bul kórsetkishti 15 mıllıardqa deıin jetkizýdi kózdep otyrmyz.
Aımaqtyń Qytaımen saýda-sattyǵy da qarqyndy damyp keledi. Byltyr bul kórsetkish 70 mıllıard dollarǵa jetti. Onyń 45 paıyzy Qazaqstanǵa tıesili. Qytaı men Ortalyq Azııa arasyndaǵy taýar aınalymyn 2030 jylǵa qaraı 100 mıllıard dollarǵa jetkizýge barlyq múmkindik bar», dedi Qasym-Jomart Kemeluly.
