«Aýyl sharýashylyǵy salasyndaǵy yqpaldastyqty damytý kerek. Qazir jahandyq azyq-túlik naryǵy jıi qubylyp tur. Sondyqtan biz osy saladaǵy yntymaqtastyqty nyǵaıta túskenimiz jón. Qazaqstan agroónerkásip ónimderiniń eksportyn arttyrýǵa jáne onyń túrin kóbeıtýge múddeli. Elimiz bıdaı jáne un óndiretin álemdegi eń iri on eldiń qataryna kiredi. Jyl saıyn 5 mıllıon tonnadan astam bıdaı men 1,5 mıllıon tonna un eksporttaımyz.
Sharýalarymyz syrtqa shyǵarylatyn dándi jáne maıly daqyldardyń kólemin arttyrýǵa daıyn. Olar ekologııalyq jaǵynan taza ári joǵary surypty et pen organıkalyq ónimderdi de kóptep jetkize alady. Esesine, baý-baqsha ónimderi men azyq-túlik taýarlaryn turaqty satyp alýǵa múddelimiz. Biz memleketterimizdiń agrarlyq áleýetin tıimdi paıdalanýymyz kerek. Sonda elderimizdiń azyq-túlik qaýipsizdigin aıtarlyqtaı nyǵaıtamyz. Bul qadam bárimizdiń múddemizge saı keledi», dedi Memleket basshysy
Sonymen qatar Prezıdent birlesken azyq-túlik ortalyǵyn ashýǵa usynys bildirdi.
«Osy rette men «Qorǵas» halyqaralyq saýda ortalyǵynda Birlesken azyq-túlik habyn qurýdy usynamyn. Agroónerkásip salasynda sıfrlyq jáne «jasyl» tehnologııalardy engizý máselesine basa mán bergen jón. Bul iste qytaılyq seriktesterimizdiń tájirıbesi men múmkindigi asa qajet», dedi Qasym-Jomart Toqaev.
