Elordanyń Tótenshe jaǵdaılar departamenti Muhamethanov kóshesindegi qurylys alańynda órt shyqqany týraly habarlady.
Áleýmettik jelide «Han-Shatyr» oıyn-saýyq jáne saýda ortalyǵy aýmaǵyndaǵy qara tútin beınelengen vıdeo tarady. Kýágerlerdiń aıtýynsha, órt ornynda jarylys dybystary da estilgen.
Qalalyq TJD baspasóz qyzmeti habarlaǵandaı, órt sóndirýshiler órt týraly habarlamaǵa saǵat 16:28-de shyqqan.
«Mamandardyń aıtýynsha, oqıǵa ornynda úsh gaz ballony jarylǵan, jarylys saldarynan jabyndyq materıaldyń 15 oramy órtengen. Jalyn 16:45-te oqshaýlandy», delingen habarlamada.
Vedomstvo málim etkendeı, oqıǵa ornyna jeke quramnyń 19 adamy men 4 tehnıka jumyldyrylǵan.
