«Orman órtiniń jaǵdaıy qazirgi tańda erekshe baqylaýda, órtti sóndirý úshin jedel shtab jumyldyryldy. О́rt oshaqtaryn sóndirý boıynsha jumys júrgizilip jatyr, alaıda jeldiń ekpini men batpaqty jerler jumysty qıyndatyp jatyr», dedi oblys ákimi Nurlan Uranhaev.
О́ńir basshysynyń aıtýynsha, órt sharpyǵan aýmaqtyń aýdany 3,5 myń ga quraıdy. О́rtti sóndirýge 201 tehnıka, 8 tikushaq, 1 órt sóndirý poıyzy jáne jeke quramnyń 852 adamy jumyldyrylǵan.
«Eldi mekenderge qaýip tónip turǵan joq, alaıda qaýipsizdik maqsatynda qosymsha 277 adam óz betinshe týystaryna evakýasııalanǵan. Tonaý faktileriniń aldyn alý úshin evakýasııalaý ornynda polısııa qyzmetkerleriniń kezekshiligi uıymdastyrylǵan. Sonymen qatar búgin Borodýlıha aýdanynda tótenshe jaǵdaı jarııalanady. Tótenshe jaǵdaılar birinshi vıse-mınıstri general-maıor Ibragım Kúlshimbaev habarlaǵandaı, órtti sóndirýge TJM, IIM, ETRM, QTJ, JAO jáne oblystyń kommýnaldyq qyzmetteriniń kúshteri men quraldary jumyldyrylǵan. Jaǵdaı baqylaýda, órtti oqshaýlaý jáne joıý boıynsha barlyq múmkin sharalar qabyldanyp jatyr», dedi ákim.
Premer-mınıstr óńirlerdiń órt qaýipsizdigine daıyndyq máselesi ótken Úkimet otyrysynda ǵana qaralǵanyn eske saldy.
«Kórip otyrǵanymyzdaı, qaýip óte joǵary. Eń bastysy, eldi mekenderge qater tónip turǵan joq. О́rt tolyq baqylaýǵa alyndy. Endi ony oqshaýlap, tolyǵymen sóndirý kerek. Bul – ákimdik pen Tótenshe jaǵdaılar jáne Ekologııa mınıstrlikteriniń ortaq mindeti», dedi Álıhan Smaıylov.
Ol sondaı-aq Abaı oblysyna órt sóndirý kúshteri men tehnıkalaryn jiberip, kómek kórsetken óńirlerge Úkimettiń atynan alǵysyn bildirdi.
«Ekologııa mınıstrligi Tótenshe jaǵdaılar mınıstrligimen birlesip, órt oshaqtaryn tolyǵymen joıyp, keltirilgen zalaldy baǵalaý úshin «Semeı ormany» rezervatynyń aýmaǵyna tekserý jumystaryn júrgizýi qajet», dep atap ótti Úkimet basshysy.
