Áskerıler de analar keńesine zárý

Qoǵamdyq uıymnyń ókili áskerı bólimniń medısınalyq bólimshesine at basyn tiregen bolatyn. Munda ol áskerı ómir tazalyǵyn, jaılylyqty jáne alǵashqy medısınalyq kómek kórsetý úshin qajetti materıaldar men dári-dármek­terdiń bazalyq jıyntyǵynyń bar ekenin atap ótti. Áskerı tártip shatyrly qalashyqta da, áskerge shaqyrylǵandarǵa arnalǵan kazarmada da bir­den kózge túsedi. Jóndeý jumys­taryna baılanysty munda qazirgi ýaqytta alty aı qyzmet etken sarbazdar ornalastyrylǵan.

Qoǵamdyq ınspektor áskerı qyzmetshilerdiń densaýlyǵy jaqsy, áskerı ómir salty unaıtynyn jáne olardyń arasynda kelisimshart boıynsha qyzmet etýdi qalaıtyndar da bar ekenine kóz jetkizdi. Qazirgi áskerge kelgender negizinen Shymkentten shaqyrylǵan jas­tar. Jigitter qazirdiń ózinde áskerı ómirge úırenip, osy bólimge kelgenine dán rıza. Demalys kúni olar teatr, mýzeı sekildi qoǵamdyq oryndarǵa baryp, kóńil sergitip turady.

Tatıana Tropına bul jerdegi sarbazdarǵa jasalǵan jaǵdaıdy ashanadaǵy mázir men taǵam sapasynan-aq bilýge bolatynyn atap ótti. Tamaqtaný jaǵyna «Bouk ABL» seriktestigi jaýapty. Reıdtiń bastamashysy sarbazdar ashanasyna baryp, túski asqa daıyndalǵan taǵam­dardyń dámin tatyp kórdi. Birin­shi asqa – qaımaq qosylǵan borsh, ekinshige – et tuzdyǵy qosylǵan pıýre, tátti shaı, shıe shyryny, alma jáne nan berildi. Tatıana Tro­pına atap ótkendeı, túski as dámdi, toltyra salynǵan tamaq­tar men onyń kalorııa mólsheri jaýyngerlerdiń dene daıyndyq belsendiligine sáıkes keledi.

– Jalpy, osy áskerı bólimge barǵanyma qýanyshtymyn. Ofı­serlerge, serjanttar qu­ra­­my­na jáne sarbazdar­dy ta­maqtan­dyrýdy uıymdas­ty­rý­­shylarǵa shaǵym joq. Bul bólim komandıri maıor Ernat Tóleýǵulov pen onyń orynbasary podpolkovnık Nur­lan Dúısebaevtyń iske jaýap­kershilikpen qaraýynyń nátı­jesi dep sanaımyn, – dedi ol.

Sarbaz analary komıtetiniń ókili demalys kúni óz bastamasymen, aldyn ala kelisimsiz áskerı bólimge barǵanyn aıta ketken jón. Sondyqtan medısınalyq qyzmet kórsetý, turmystyq jaǵdaılar, bos ýaqytty uıym­dastyrý jáne áskerı bólimdegi tamaqtaný sapasy týraly tu­jyrymdar merzimdi qyzmet sarbazdarynyń demalys kúngi tártibine negizdelgen.