«О́zderińizge málim, Memleket basshysy jaqynda Máskeý qalasynda ótken II Eýrazııalyq ekonomıkalyq forýmǵa qatysty. Prezıdent jıyn barysynda búginde sarapshylar qaýymdastyǵy keńinen talqylap jatqan birqatar málimdeme jasady.
EAEO aıasyndaǵy ıntegrasııa tek qana ekonomıkalyq sıpatta ǵana júrýi kerek. Bul – Prezıdenttiń negizgi ustanymy. Onyń sheńberinen shyǵý uıymnyń jarǵylyq qujattarynyń maqsattaryna, prınsıpteri men mindetterine qaıshy keledi.
Prezıdent atap ótkendeı, ekonomıkalyq ıntegrasııa – bul túpki maqsat emes, ol ekonomıkany damytýdyń jáne halyqtarymyzdyń ál-aýqatyn arttyrýdyń negizgi quraldarynyń biri. Iаǵnı, uıym aıasynda qabyldanatyn kez kelgen sheshim onyń árbir múshesine jáne, eń aldymen, olardyń azamattaryna paıdasyn tıgizýi tıis», dep jazdy R.Jeldibaı.
Sonymen qatar ol Prezıdenttiń túrli deńgeıdegi ıntegrasııa máselesin qozǵaǵanyn jazǵan.
«Búginde EAEO-nyń eki múshesi – Reseı men Belarýs ózara yqpaldastyqtyń joǵary deńgeıine shyqty. Bul – erekshe presedent. Memleket basshysynyń paıymynsha, shyn máninde, bir halyq jáne bir memleket týraly sóz bolyp otyr. Osy rette múlde basqa maqsattardy kózdegen eki túrli ıntegrasııalyq joba sheńberindegi bastamalardyń ara-jigin ajyratý asa mańyzdy.
Bizdiń elimizge keletin bolsaq, Qazaqstan qandaı da bir odaqtas memleketter qurýǵa nemese olardyń quramyna kirýge nıetti emes jáne ony josparlap otyrǵan joq», delingen jazbada.
