«29 mamyr Abaı oblysy boıynsha Qylmystyq ister jónindegi mamandandyrylǵan aýdanaralyq sotynyń «Semeı ormany» memlekettik orman tabıǵı rezervaty» RMM basshylyǵyna jáne basqa da tulǵalarǵa qatysty úkimi jarııalandy», delingen Antıkordyń habarlamasynda.
Memlekettik mekemeniń úsh basshysy uıymdasqan qylmystyq topqa qatysýǵa jáne kásipkerlerden júıeli negizde 700 myńnan 13 mln teńgege deıin para alýǵa kináli dep tanyldy. Olar zańsyz syıaqyny laýazymdy tulǵalarǵa rezervat aýmaǵynda sanıtarlyq tazalaý men aǵash kesýge ruqsat bergeni, memlekettik satyp alý jónindegi sharttarǵa kedergisiz qol qoıǵany, sondaı-aq jalpy qamqorlyǵy úshin bergen.
«Rezervattyń úsh basshysy 10 jylǵa sottaldy, al bes para berýshi para bergeni úshin kináli dep tanylyp, bir jarym jyldan úsh jarym jylǵa deıingi merzimge bas bostandyǵynan aıyryldy. Olar ómir boıy memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda qyzmet atqarý quqyǵynan aıyryldy», dep tolyqtyrdy Antıkor.
Úkim zańdy kúshine engen joq.
