«2022 jyldyń qorytyndysy boıynsha otandyq avıakompanııalar 11 mln jolaýshyny tasymaldady. Bul 2021 jylmen salystyrǵanda 17%-ǵa artyq. О́sý qarqyny bıyl da saqtalyp otyr. Sonymen qatar áýe tranzıti de joǵary qarqynmen ósip jatyr. Máselen, 2022 jyly qyzmet kórsetilgen ushý kólemi 410 myń ushaqty qurady, bul 2021 jylǵy kórsetkishten 90%-ǵa artyq», dedi Marat Qarabaev.
Mınıstrdiń baıandaýynsha, búgingi tańda aptasyna 56 ishki avıamarshrýt boıynsha 706 reıs oryndalady, 103 baǵyt boıynsha 27 elge halyqaralyq tasymaldaý qamtamasyz etiledi.
Sondaı-aq jyl sońyna deıin Doha, Kýala-Lýmpýr, Ankara, Karachı, Lahor, Djıdda, Maskat, Praga jáne Tel-Avıvke taǵy 9 jańa halyqaralyq marshrýt ashylady dep josparlanyp jatyr.
2025 jylǵa deıin Mýmbaı, Gonkong, Vena, Tokıo, Sıngapýr, Nıý-Iork jáne basqa qalalarǵa reıster ashylady.
«Qazirgi ýaqytta Qazaqstannyń ushý qaýipsizdigi standarttaryna sáıkestik deńgeıi 82% quraıdy. Bul – Táýelsiz memleketter dostastyǵy elderi arasyndaǵy eń joǵary kórsetkishterdiń biri. Qazaqstan Danııa men Polsha sııaqty Eýropalyq Odaq elderimen bir deńgeıde tur.
2023 jyly Almaty, Shymkent, Qyzylorda jáne Qostanaı qalalaryndaǵy áýejaılardy jańǵyrtý jumystary josparlanǵan. Memleket basshysynyń tapsyrmasyna sáıkes Pavlodar qalasy áýejaıynyń ushý-qoný jolaǵyn, Balqash qalasy áýejaıynyń perronyn jáne rýldeý jolaǵyn rekonstrýksııalaý máselesi pysyqtalyp jatyr», dedi mınıstr.
Salany odan ári damytý boıynsha ushý qaýipsizdigi standarttaryna sáıkestik deńgeıin 90%-ǵa deıin arttyrý, halyqaralyq marshrýttardy ulǵaıtý, áýejaılardyń barlyq termınalyn rekonstrýksııalaý josparlanyp jatyr.
