Qazaqstan monıtorıngtiń tórt kezeńinen sátti ótip, EYDU sarapshylarynyń usynymdarynyń basym bóligi oryndaldy. Sheteldik laýazymdy tulǵalardyń para alýyna qarsy kúres jónindegi konvensııaǵa qosylý josparlanýda.
EYDU-nyń barlyq usynymdaryn oryndaý kezinde Qazaqstan taıaý jyldary damyǵan elderdiń klýbyna múshelikke úmitker bola alady dep boljanýda.
Bolashaqta bul EYDU elderimen quqyqtyq kómek kórsetý, qylmyskerlerdi ekstradısııalaý jáne olar zańsyz tapqan múlikti qaıtarý máseleleri boıynsha yntymaqtastyqty nyǵaıtýǵa múmkindik beredi jáne Qazaqstannyń quqyq qorǵaý organdary qyzmetkerleriniń Eýropa memleketteriniń aýmaǵynda halyqaralyq tergeý tapsyrmalary boıynsha júrgizilip jatqan jedel-izdestirý is-sharalaryna qatysýy boıynsha negiz jasaıdy.Sybaılas jemqorlyqqa qarsy is-qımyl agenttigi Tóraǵasynyń orynbasary Dmıtrıı Malahovtyń basshylyǵymen Qazaqstan delegasııasy jemqorlyqqa qarsy tıimdi kúreske baǵyttalǵan sońǵy ózgeristerdi usyndy. Atap aıtqanda, birinshi basshylardyń qaramaǵyndaǵylardyń parasattylyǵy úshin derbes jaýapkershiligi, quqyq qorǵaý organdary qyzmetkerleri men sýdıalar úshin sybaılas jemqorlyq qylmystary úshin jaýapkershilikti arttyrý, zańsyz shyǵarylǵan aktıvterdi qaıtarý boıynsha júrgizilip jatqan jumystar, negizsiz baıytý úshin jaýapkershilikti engizý jáne jemqorlyq faktileri týraly habarlaǵan adamdardy keshendi qorǵaý sharalary sııaqty normalar men zańnamany halyqaralyq standarttarǵa sáıkes qatańdatý týraly sóz boldy.
