Búgin atalǵan iske qatysty birinshi sot otyrysy ótti. Alaıda sýdıa aıyptalýshy taraptyń jáne prokýrordyń usynysymen sot jabyq túrde ótedi degen sheshimge keldi.
Jábirlenýshi qyzdyń anasy men týǵan-týystary ǵana sottyń ashyq ótýin surady.
«Qyzymdy uryp, beınekameraǵa túsirgende kámelettik jasqa tolmaǵanyn bildi ǵoı. Onyń ústine, Aıaýlymnyń ata-anasynan basqasy keshirim surap kelmedi. Kúdiktiler jazanyń eń qatań túrin alsa eken», deıdi jábirlenýshiniń anasy Almıra Dosymova.
Aıtqandaı, sot budan bylaı jabyq ótedi. Prokýratýra ókili túsindirgendeı, sot sheshimi shyqqan soń istiń búge-shigesi resmı túrde habarlanady.
