«Aımaqtaǵy eki úlken ózen Syrdarııa men Ámýdarııadaǵy sý deńgeıi 2050 jylǵa qaraı 15 paıyzǵa túsedi. Biz aımaqtaǵy ekologııalyq apattyń aldyn alý úshin Halyqaralyq Araldy qorǵaý qoryn qoldaýǵa kóbirek qarjy bólýge shaqyramyz.
Sý men klımattyń ózgerý máselesi ózara tyǵyz baılanysty. Ortalyq Azııa – sý qaýipsizdigin saqtaý tyǵyz áriptestik jáne birlesken tıimdi sharalardy júzege asyrý arqyly ǵana sheshiletin aımaq.
Aımaqtaǵy klımat jáne ózge de máselelerdi talqylaý úshin men Almatyda Ortalyq Azııa elderiniń jobalyq keńsesin qurýdy jáne BUU sekildi halyqaralyq uıymdardy tarta otyryp, 2026 jyly Qazaqstanda Aımaqtyq klımattyq sammıt ótkizýdi usynamyn», dedi Prezıdent.
Sonymen qatar Memleket basshysy «jasyl» ekonomıkanyń mol múmkindikterin usynyp, ony qaıtadan qalpyna keltirip, energetıkanyń ortalyǵy atana alatyndyǵyn aıtyp, ýaqyttyń tapshy ekenin eskerdi. Sóz sońynda Prezıdent «jasyl» ekonomıkaǵa kóshý úshin resýrstar men seriktestik baılanys qajet ekenin qadap aıtty.
