Bıyl birinshi toqsanda ishki naryqtaǵy óndiris eki ese ulǵaıyp, 7,3 myń tonnaǵa jetken. Úsh aıda myń tonnadan astam balmuzdaq eksportqa shyǵarylǵan. Bul – byltyrmen salystyrǵanda 30 paıyzǵa joǵary kórsetkish.
Memlekettik kirister komıtetiniń habarlaýynsha, sońǵy 3 jylda balmuzdaq eksporty 1 217,8 tonna bolypty (4 832,3 myń dollar). 2020 jyly – 284,8 tonna, 2021 jyly – 367,9 tonna, 2022 jyly – 565,1 tonna. Taýar ımporty 1 686,6 tonnany quraıdy. Quny – 6 453,2 myń dollar. 2020 jyly – 263,1 tonna, 2021 jyly – 215,2 tonna, 2022 jyly – 1208,3 tonna.
Qazaqstan balmuzdaǵynyń negizgi satyp alýshysy – О́zbekstan. Bul elge 2020 jyly – 221,6 tonna, 2021 jyly – 285,7 tonna, 2022 jyly 400,7 tonna ónim jetkizilgen. Bizdiń balmuzdaq Mońǵolııa, Ázerbaıjan, Túrikmenstan jáne Tájikstanǵa da satylady. Al EAEO-ǵa kirmeıtin elder arasynan óz naryǵymyzda fransýz balmuzdaǵy erekshe suranysqa ıe. Pandemııa jyly bul elden – 167,5 tonna, 2021 jyly – 110,5 tonna, byltyr 168,7 tonna balmuzdaq ákelingen.
Budan bólek biz Shveısarııa, Túrkııa, Ýkraına, Ispanııa, Italııa, Koreıa jáne Belgııadan da belsendi tasymaldaımyz. Ásirese sońǵy jyldary túrik balmuzdaǵyna degen qyzyǵýshylyq táp-táýir artqan.
