Jergilikti ákimdiktiń málimetinshe, Ostrovskıı atyndaǵy mektep pen kolledj ǵımaratynda eki evakýasııalyq pýnkt uıymdastyryldy.
Sondaı-aq qoǵamdyq tártipti saqtaý maqsatynda О́KM-niń 43 qyzmetkeri jáne 13 arnaıy tehnıka jiberildi.
О́rttiń taralýyn boldyrmaý úshin orman aımaǵyna irgeles kósheler, sonyń ishinde Táýelsizdik kóshesi, Ońtústik jáne Pıonerskaıa sh/a jyrtyldy.
О́rt ornyna túrli vedomstvolardan 786 maman, 187 birlik tehnıka jáne 9 tikushaq jumyldyryldy. Búgin tańerteń saǵat 5:35-ten bastap tikushaqtardan jalpy kólemi 263,5 tonna bolatyn 93 sý aǵyzyldy.
TJM basshylyǵynyń buıryǵymen órtpen kúresý úshin qosymsha kúsh jiberildi:
ShQO TJD-dan 15 adam jáne 5 birlik tehnıka 5:40-ta bardy.
Qaraǵandy TJD-dan 29 adam jáne 6 birlik tehnıka 17:40-ta shyǵyp, Borodýlıhaǵa 11:00-de jetti.
Astana TJD-dan 68 adam jáne 12 birlik tehnıka 17:55-te shyǵyp, Kashtak ormanynda 10:35-te boldy.
Astana TJD-dan 21 adam jáne 5 birlik tehnıka 21:48-de shyǵyp, Semeı qalasyna 9:20-da jetti, keıin 10:52-de Borodýlıhaǵa qaraı bet aldy.
TJ mınıstri TJM kúshteri men múmkindikterin Almaty, Jetisý jáne Qyzylorda oblystarynan qosymsha jiberýdi buıyrdy.
Semeı qalasynda jaǵdaı qıyndaǵan jaǵdaıda, onyń aldyn alý úshin 5 órt sóndirý avtosısternasynan jáne 1 vahtadan turatyn qosymsha kolonna daıyndaldy. Astana, Boraldaı, Qyzylorda qalalarynan qosymsha Mı-8 tikushaqtaryn jáne Kókshetaýdan Eurocopter EC145 kóp maqsatty tikushaǵyn órt ornyna jiberý josparlanýda.
О́rttiń taralý qaýpine baılanysty Semeı qalasynyń ákimi tabıǵı sıpattaǵy jergilikti aýqymdaǵy tótenshe jaǵdaı jarııalady. Jaǵdaıǵa baılanysty jedel aqparat usyný jalǵasady.
