«Qazirgi basty mindet – adam ómirin saqtap qalý. Sondaı-aq órtti toqtatyp, eldi mekenderge taralýyna jol bermeý. О́rt qaýpi bar jerden kóshirilgen turǵyndardy qaýipsiz mekenge ornalastyryp, olarǵa qajetti jaǵdaı jasaý kerek. Qaterdiń beti qaıtqan soń, zalaldyń kólemin shuǵyl anyqtaý qajet», dedi Qasym-Jomart Kemeluly.
Bul rette Prezıdent zardap shekken turǵyndardyń bárine qoldaý kórsetiletinin qaıtalap aıtty.
«Men jańa ǵana azamattarmen kezdestim, ýáde berdim. Sondyqtan berilgen ýádeni mindetti túrde oryndaýym kerek. Qaza bolǵan azamattardyń otbasyna jáne zardap shekken adamdarǵa ótemaqy tóleý máselesin sheshýdi tapsyramyn. Bul máselede sozbalańǵa salý múldem bolmaýy kerek.
Alapat órt kezinde ómirin qurban etken jandar memlekettik nagradaǵa usynylsyn. Sondaı-aq búlingen nysandardy qalpyna keltirý jumystaryn dereý bastaý qajet», dedi Memleket basshysy.
