Tótenshe jaǵdaılar departamenti 45-ten astam reıd ótkizgen.
Tótenshe jaǵdaılar mınıstrliginiń málimetinshe, órt qaýipsizdigi erejelerin buzǵan 4 jeke tulǵa QR ÁQ 367-baby boıynsha jalpy somasy 1 380 000 aıyppul túrinde ákimshilik jaýapkershilikke tartyldy.
Sonymen qatar tabıǵatty qorǵaý polısııasy QR ÁQ 505-baby boıynsha eskertý túrinde 5 hattama toltyrǵan.
Ile-Alataý ulttyq parkiniń 20 myń 805 gektary Almaty qalasynyń aýmaǵynda ornalasqan.
«Reıdtik is-sharalar kezinde teplovızorlarmen jáne qulaqtandyrý júıesimen jaraqtandyrylǵan pılotsyz ushý apparattary (drondar), qulaqtandyrý avtomobılderi qoldanylady. Barlyǵymyz biletindeı, qala aýmaǵynda ornalasqan tabıǵı parkterdiń aýmaǵy «Erekshe qorǵalatyn tabıǵı aýmaq» mártebesine ıe. Ot jaǵý faktileri qatań túrde toqtatylatynyn eskertemiz, óıtkeni qurǵaqshylyq pen ystyq aýa raıynda shóp tez tutanady, bul órtke ákelýi múmkin. Ońtústik astananyń turǵyndary men qonaqtaryn temeki tuqylyn qurǵaq shópke tastamaýǵa, bótelkeler, synǵan áınek qaldyrmaýǵa keńes beremiz, olar janǵysh lınzalarǵa aınalýy múmkin. Tabıǵatta ashyq ottyń jaǵylýyna jol bermeý óte mańyzdy. Qurǵaq shóp pen qoqysty órtemeńiz. Qurǵaq shópti ádeıi órteıtin adamdar, jaqyn aımaqqa qaýip tóndiredi. Mysaly, jeke aýlanyń ıeleri men baǵbandar ystyq kúnnen keýip qalǵan shóp pen qoqysty órtep jiberedi», delingen Almaty qalalyq TJD habarlamasynda.
